11-Cİ TÜRKSOY OPERA GÜNLƏRİ “LEYLİ VƏ MƏCNUN-100” DEVİZİ ALTINDA KEÇİRİLƏCƏKDİR
AZƏRTAC-ın xüsusi müxbiri xəbər verir ki, bu il sentyabrın 7-15-də Türkiyənin Mərsin və Şimali Kiprin Girne şəhərlərində 11-ci TÜRKSOY Opera günləri keçiriləcəkdir.
Azərbaycan Mədəniyyət və Turizm Nazirliyinin TÜRKSOY təşkilatındakı nümayəndəsi Elçin Qafarlının təklifi ilə builki Opera günləri Şərqdə və türk dünyasında ilk operanın - dahi Üzeyir Hacıbəyovun əsərinin 100 illiyi şərəfinə “Leyli və Məcnun-100” devizi altında keçiriləcəkdir. Bu təşəbbüs sayəsində YUNESKO səviyyəsində də geniş qeyd olunmuş bu yubiley türk dünyasında da bayram ediləcəkdir.
Opera günlərində hər tükdilli ölkədən 2 ifaçı çıxış edəcəkdir. Azərbaycan isə 4 ifaçı ilə təmsil olunacaqdır. Opera günləri çərçivəsində Azərbaycan opera sənətinin tarixindən bəhs edən fotostend də təşkil ediləcəkdir.
Bölmənin digər xəbərləri
