11 SENTYABR FACİƏSİ QURBANLARININ XATİRƏSİ YAD EDİLDİ
Azərbaycan Dillər Universitetində 2001-ci il sentyabrın 11-də Amerika Birləşmiş Ştatlarının Nyu-York və Vaşinqton şəhərlərində törədilmiş dəhşətli terror qurbanlarının xatirəsini anma mərasimi keçirilmişdir.
Terrorun acı nəticələrindən danışan ADU-nun prorektoru, dosent Natiq Yusifov Avropa Şurası Parlament Assambleyasının Monitorinq komitəsinin iclasında iştirak edən universitetin rektoru, Milli Məclisin Beynəlxalq münasibətlər və parlamentlərarası əlaqələr daimi komissiyasının sədri Səməd Seyidovun 11 sentyabr faciəsi ilə əlaqədar kollektiv adından göndərdiyi məktubu ABŞ-ın ölkəmizdəki səfiri Ross Uilsona təqdim etdi.
Sonra faciə qurbanlarının xatirəsi bir dəqiqəlik sükutla yad edildi.
Mərasimdə ABŞ-ın ölkəmizdəki səfiri Ross Uilson, təhsil naziri Misir Mərdanov və başqaları çıxış etdilər.
Daha sonra ötən il ABŞ-ın müxtəlif şəhərlərində təhsil almış azərbaycanlı tələbələr baş vermiş terror hadisələri ilə bağlı təəssüratlarını danışdılar və onu dərin həyəcan və təəssüflə qarşıladıqlarını söylədilər.
Mərasimdə qlobal terrorizmə qarşı ardıcıl mübarizə aparılmasının vacibliyindən ətraflı bəhs edildi.
Bölmənin digər xəbərləri
