CƏMİYYƏT
FHN: Ötən sutka ərzində 2 nəfər xilas edilib, 1 nəfər yanıq xəsarəti alıb VİDEO
Bakı, 29 mart, AZƏRTAC
Son sutka ərzində Fövqəladə Hallar Nazirliyinin 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən 11 halda yanğına çıxış, 2 halda köməksiz vəziyyətdə qalma və 1 halda sursatın aşkarlanması faktları üzrə qəza-xilasetmə əməliyyatları həyata keçirilib.
FHN-in mətbuat xidmətindən AZƏRTAC-a bildiriblər ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib. Ümumilikdə, ötən sutka ərzində köməksiz vəziyyətdə qalmış 2 nəfər xilas edilib, 1 nəfər yanıq xəsarəti alıb. Həmçinin tank əleyhinə 2 ədəd “TM-62M” təlim minası ərazidən götürülərək kənarlaşdırılıb.
Nazirlik əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.