20 Yanvar Azərbaycan tarixinə qəhrəmanlıq səhifəsi kimi daxil olmuşdur
Gəncə, 18 yanvar (AZƏRTAC). Azərbaycan Dövlət Aqrar Universitetində 20 Yanvar faciəsinin 24-cü ildönümü ilə əlaqədar anım mərasimi keçirilmişdir.
AZƏRTAC xəbər verir ki, mərasim iştirakçıları əvvəlcə faciə qurbanlarının abidəsini ziyarət etmiş, abidə önünə gül dəstələri qoymuşlar. Sonra universitetin rektoru, professor İbrahim Cəfərov çıxış edərək 1990-cı il yanvarın 19-dan 20-nə keçən gecə sovet ordusunun Bakıda törətdiyi dəhşətli qırğından, xalqımızın başına gətirilən müsibətlərdən danışmış və qeyd etmişdir ki, axıdılan qanlara baxmayaraq 20 Yanvar Azərbaycanın azadlıq və ərazi bütövlüyü uğrunda apardığı mübarizə tarixinə qəhrəmanlıq səhifəsi kimi daxil olmuşdur.
Mərasimdə çıxış edən müəllim və tələbələr həmin ağır günlərdə ümummilli lider Heydər Əliyevin Azərbaycanın Moskvadakı nümayəndəliyinə gələrək baş verən hadisə haqqında əsl həqiqətləri, Azərbaycanın haqq səsini bütün dünyaya çatdırmasını yüksək dəyərləndirmişlər.
Bölmənin digər xəbərləri
