20 Yanvar faciəsi tariximizdə şərəf və qəhrəmanlıq səhifəsidir
Bakı, 18 yanvar, AZƏRTAC
Bakı Xoreoqrafiya Akademiyasının (BXA) Təhsil Kompleksində 20 Yanvar həftəsi çərçivəsində Ümumxalq Hüzn Gününə həsr olunmuş növbəti tədbir keçirilib.
BXA-dan AZƏRTAC-a bildiriblər ki, tədbir iştirakçıları əvvəlcə 20 Yanvar şəhidlərinin xatirəsini birdəqiqəlik sükutla yad ediblər.
Anma mərasimində iştirak edən müəllim və tələbələr 1990-cı ildə baş vermiş 20 Yanvar hadisələrinin tarixə ən amansız cinayətlərdən biri kimi düşdüyündən və bu faciənin bəşər tarixində qara səhifə olaraq qalacağından bəhs edən “20 Yanvar faciəsi tariximizdə şərəf və qəhrəmanlıq səhifəsidir” mövzusunda elmi-nəzəri konfrans keçiriblər. Konfransda BXA-nın Azərbaycan dili və ədəbiyyatı kafedrasının müdiri, professor Vəfa Əliyev bildirib ki, xalqımız 20 Yanvar şəhidlərinin xatirəsini həmişə əziz tutur. Çünki onlar dövlət müstəqilliyimizin bərpasında böyük rol oynayıblar. Buna görə qəhrəmanlarla fəxr edirik.
Daha sonra 20 Yanvar faciəsinin canlı şahidləri və akademiyanın tələbələri həmin günlə bağlı fikirlərini bildirib, xatirələrini bölüşüblər.
Tədbiri çərçivəsində akademiyada 20 Yanvara həsr olunan fotosərgi nümayiş etdirilib.
Bölmənin digər xəbərləri
