Numan Kurtulmuş: Azərbaycan-Türkiyə əlaqələri bütün sahələrdə mükəmməl səviyyədədir VİDEO
Vaşinqton, 9 iyul, AZƏRTAC
Azərbaycanla əlaqələrimiz bütün sahələrdə mükəmməl səviyyədədir.
Bu sözləri AZƏRTAC-a açıqlamasında Vaşinqtonda səfərdə olan Türkiyə Böyük Millət Məclisinin (TBMM) sədri Numan Kurtulmuş deyib.
O qeyd edib ki, Ulu Öndər Heydər Əliyevin də dediyi kimi, Türkiyə və Azərbaycan iki dövlət, tək millətdir. TBMM sədri əlavə edib ki, iki ölkə arasında dostluq və qardaşlıqdan da çox-çox irəlidə gözəl əlaqələr mövcuddur.
“Bu əlaqələrin təcrübədə də nəticələr verdiyini görürük. Azərbaycan və Türkiyə əl-ələ verərək, sadəcə, iki dövlətin deyil, 300 milyonluq Türk dünyasının da yenidən güclü şəkildə ayağa qalxması üçün öndəgedən olacaqlar”, - deyə Numan Kurtulmuş bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
