İDMAN


XV ÖLKƏ FUTBOL ÇEMPİONATI BAŞLANMIŞDIR

AZƏRTAC xəbər verir ki, avqustun 5-də üç görüşlə XV ölkə futbol çempionatının startı verilmişdir.

Tofiq Bəhramov adına Respublika stadionunda son ölkə çempionatının qalibi “Bakı” komandası “Olimpik” klubu ilə qarşılaşmışdır. “Bakı” 70-ci dəqiqədə Andre Ladaqanın vurduğu bir qolla çempionatda ilk qələbəsini qazanmışdır - 1:0.

Bu ildən güclülər dəstəsində çıxış edən “Gilan” (Qəbələ) və “Simurq” (Zaqatala) komandalarının debütü uğurlu olmuşdur. Yevlaxda “Gilan” - “İnter”, Qaxda isə “Simurq” - “Turan” görüşlərində qapılara qol vurulmamışdır - 0:0.

Qeyd edək ki, Qəbələ və Zaqatala stadionları təmir olunduğundan “Gilan” ev oyunlarını bir müddət Yevlaxda, “Simurq” isə Qaxda keçirəcəkdir.

Tura avqustun 6-da keçiriləcək “Neftçi” - “Gənclərbirliyi”, “Şahdağ” - “MKT-Araz” oyunları ilə yekun vurulacaqdır.

Bu tur çərçivəsində “Gəncə” - “Xəzər-Lənkəran” oyunu isə keçirilməyəcək. “Gəncə” komandası AFFA-ya iştirak ərizəsi təqdim etmədiyi üçün klub çempionatda çıxış etməyəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.