İDMAN


“XƏZƏR-LƏNKƏRAN” “LEX”Ə MƏĞLUB OLDU

AZƏRTAC xəbər verir ki, “Xəzər–Lənkəran” futbol klubu iyulun 17-də Tofiq Bəhramov adına Respublika stadionunda UEFA kuboku turnirinin ilkin təsnifat mərhələsi çərçivəsində Polşanın “Lex” komandasını qəbul etmişdir.

Görüşdə ilk təhlükəli hücumu qonaq komandanın futbolçuları təşkil etdilər. Cərimə zərbəsindən ötürülən topu polşalılar qapının üstündən vurdular. Lənkəranlı futbolçular isə 5-ci dəqiqədə fərqlənmək imkanını əldən verdilər.

Birinci hissədə ən real qol vəziyyəti 27-ci dəqiqədə yarandı. Polşalıların təşkil etdiyi növbəti hücumların birində “Xəzər-Lənkəran”ın qapısına vurulan top qapı dirəyindən döndü. Bundan 3 dəqiqə sonra “Lex”in heyətində Ernan Rengifo “Xəzər–Lənkəran”ın qapıçısı Dmitri Kramarenko ilə təkbətək çıxsa da, onu keçə bilmədi. Birinci hissədə hesab açılmadı.

İkinci hissə qarşılıqlı hücumlarla başladı. Nəhayət, qonaqlar 76-cı dəqiqədə hesabı açdılar. Polşalıların qurduğu kombinasiyalı əks–hücumu qonaqların 8 nömrəli oyunçusu Robert Levandovski ideal zərbə ilə tamamladı.

Buraxılan qoldan sonra “Xəzər–Lənkəran”ın futbolçuları irəli atılsalar da, hesab sona qədər dəyişmədi və meydan sahibləri ilk oyunda 1:0 hesabı ilə məğlub oldular.

Bu komandalar arasında cavab görüşü iyulun 31-də Polşada keçiriləcəkdir.

######

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.