İlqar Hümbətovun atası: Şəhidlərin xatirəsini uca tutanlara minnətdarlığımı bildirirəm VİDEO

07.06.2026 [12:49]
Çap et
A⁺ A^-

Bakı, 7 iyun, AZƏRTAC

Oğlumun xatirəsinə həsr olunmuş cüdo turnirini təşkil edən hər kəsə təşəkkürümü bildirirəm.

Bu sözləri AZƏRTAC-a açıqlamasında şəhid İlqar Hümbətovun atası Vüqar Hümbətov deyib.

O, şəhidlərin xatirəsini uca tutanlara minnətdarlığını bildirib: "Qazilərimizə cansağlığı, burada iştirak edən idmançı uşaqlara uğurlar arzulayıram. İnanıram ki, onlar beynəlxalq arenalarda bayrağımızı zirvələrə yüksəldəcəklər".

Qeyd edək ki, “Təhsil” Respublika İdman Mərkəzinin 8 nömrəli İOEUGİM-in təşkilatçılığı ilə Abşeron Olimpiya İdman Kompleksində keçirilən turnirin məqsədi şəhid İlqar Hümbətovun əziz xatirəsinin yad edilməsi, yeniyetmələr arasında cüdo idman növünün təbliği və gənc idmançıların yarış təcrübəsinin artırılmasıdır.

_{Müxbir - Cavid Əliyev}

_{Fotoqraf - Azər İbrahimov}

_{Videoqraf - İlham Nadirov}