8-Cİ AZƏRBAYCAN BEYNƏLXALQ SƏHİYYƏ SƏRGİSİ AÇILMIŞDIR
“Avropa” otelində “8-ci Azərbaycan Beynəlxalq Səhiyyə Sərgisi” açılmışdır.
Respublikamızın Səhiyyə Nazirliyinin, Ticarət və Sənaye Palatasının dəstəyi ilə Böyük Britaniyanın İTE Qroup Plc şirkəti tərəfindən təşkil olunmuş sərgiyə dünyanın 20 ölkəsindən 60-dan artıq şirkət, o cümlədən ALOKA (Yaponiya), ARAŞ (Azərbaycan), EUCAMED (Gürcüstan), B.BRAUN MELSUNGEN AG (Almaniya), BİODPC (Türkiyə) və b. öz məhsullarını və xidmətlərini təqdim etmişlər.
Səhiyyə nazirinin müavini Elsevər Ağayev açılış mərasimində çıxış edərək, ölkəmizdə səhiyyə sistemində aparılan islahatdan və onun nəticələrindən danışdı. O, Avropanın və MDB ölkələrinin qabaqcıl şirkətlərinin məhsullarının respublikamızın əzcazçılıq bazarında özünə yer tutduğunu vurğuladı.
Azərbaycan Ticarət və Sənaye Palatasının vitse-prezidenti Mehman Əhmədov xarici tibb şirkətləri ilə əlaqələrindən danışdı. Böyük Britaniyanın İTE Qroup Plc şirkətinin Mərkəzi Asiya və Qafqaz üzrə direktoru Edvard Stroon sərgidə nümayiş etdirilən məhsullar və tibb avadanlığı haqqında məlumat verdi.
Sonra mərasim sərginin bölmələri ilə tanış oldular.
Bölmənin digər xəbərləri
