DÜNYA


Dubayda 1,3 milyon dollarlıq ətir təqdim edilib

Əbu-Dabi, 14 mart, AZƏRTAC

Dubayda kişilər və qadınlar üçün dünyada ən bahalı ətriyyat məhsulu təqdim edilib. Onun qiyməti 4,7 milyon dirhəmdir (1,3 milyon dollar).

AZƏRTAC xəbər verir ki, “Nabeel Perfumes” şirkətlər qrupunun məşhur ətriyyat brendlərindən biri - “Spiritof Dubai Parfums” dünyada ən bahalı ətri - “Shumukh”ini təqdim edib. Unikal məhsulu yalnız “Dubai Mall” ticarət mərkəzindəki “Fashion Avenue”də “ART+” ekspozisiyası çərçivəsində görmək olar.

Şirkətin məlumatında deyilir ki, dəbdəbə və nəfislik timsalı olan “Shumukh“ zərgərlik və ətriyyat sənəti nümunəsidir. Ətir qabı ümumi çəkisi 38,55 karat olan 3,5 min brilyantla, habelə topaz və mirvari ilə bəzədilib. Flakonun tərkibi 2 479,2 qram xalis qızıldan və 5 892,88 qram xalis gümüşdən ibarətdir.

“Shumukh” ətrinin yaradılmasına üç ildən çox vaxt sərf olunub. Ətir Yer kürəsinin ən ucqar guşələrindən olan ən yaxşı təbii inqrediyentlərdən yaradılıb. Burada kəhrəba, Səndəl ağacı, Türkiyə qızılgülü, ilanq-ilanq, büxür notları duyulur.

Ətirin konsepti “Nabeel Perfumes” şirkətlər qrupunun sədri və baş ətriyyatçısı Asqar Adəm Əliyə məxsusdur. Onun ideyalarını İsveçrə, İtaliya və Fransadan olan tanınmış ustalar həyata keçiriblər.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.