FUTBOL ÜZRƏ AZƏRBAYCAN ÇEMPİONATI BAŞA ÇATMIŞDIR “XƏZƏR-LƏNKƏRAN” ÖLKƏ ÇEMPİONUDUR!
AZƏRTAC xəbər verir ki, mayın 23-də futbol üzrə ölkə çempionatının sonuncu - 26-cı turunun oyunları keçirilmişdir.
Nəticələr belədir: “Karvan”- “Bakı” 1:2, “Simurq”- “Olimpik” 2:2, “Neftçi”- “Turan” 4:2, “Gilan”- “Xəzər-Lənkəran” 0:3, “Şahdağ”-“İnter” 1:5, “Qarabağ”- “MKT-Araz” 1:0.
Beləliklə, 56 xal toplamış “Xəzər-Lənkəran” komandası tarixində ilk dəfə olaraq Azərbaycan çempionu adını qazanmışdır. “Neftçi” 54 xalla ikinci, “Bakı” klubu 48 xalla üçüncü yeri tutmuşdur.
Mayın 28-də keçiriləcək ölkə kuboku uğrunda final görüşündə Azərbaycan çempionu “Xəzər-Lənkəran” İmişlinin “MKT-Araz” komandası ilə üz-üzə gələcəkdir.
Bölmənin digər xəbərləri
