Gələn il İstanbul-Luksor aviareysi açılacaq
Qahirə, 21 avqust, AZƏRTAC
“Türk Hava Yolları” aviaşirkəti İstanbul-Luksor marşrutu üzrə birbaşa aviareyslərin açılacağını elan edib.
AZƏRTAC Misir KİV-lərinə istinadla xəbər verir ki, bu barədə Luksordakı turizm şirkətlərinin müşaviri Tərvat əl-Əcəmi məlumat verib. Onun sözlərinə görə, ilk növbədə Avropadan turist axınını artırmaq üçün nəzərdə tutulan uçuş proqramına 2019-cu ilin oktyabrında başlanacaq.
Tərvat əl-Əcəmi vurğulayıb ki, Luksor və Asuan Misirin iki ən populyar və mühüm turizm məkanıdır. Lakin Luksora gəlmək üçün turistlər əvvəlcə Qahirə Beynəlxalq Hava Limanına, sonra daxili reyslə Luksora uçmalıdırlar. “Yeni uçuş proqramı Misirə turist axınını artıracaq”, - deyə müşavir əminliklə qeyd edib.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
