“Pekin-2022”: Medal sıralamasının ilk üç pilləsində dəyişiklik baş verməyib
Bakı, 17 fevral, AZƏRTAC
Pekində keçirilən Qış Olimpiya Oyunlarının medal sıralamasının ilk üç pilləsində dəyişiklik baş verməyib. Norveç yığması bu gün daha bir qızıl medal qazanaraq komanda hesabında liderliyini davam etdirir.
AZƏRTAC xəbər verir ki, Olimpiadanın arxada qalan on dörd yarış gününün nəticələrinə əsasən, Norveç yığmasının hesabında 14 qızıl, 7 gümüş və 8 bürünc medal var. Onun ən yaxın izləyicisi Almaniya 10 qızıl, 7 gümüş və 5 bürünc medal əldə edib. Üçüncü yerdə 8 qızıl, 8 gümüş və 5 bürünc medalla ABŞ komandası qərarlaşıb.
Dördüncü və beşinci yerləri müvafiq olaraq, İsveç (7,4,4) və Çin (7,4,2) yığmaları tutur.
Yarışlarda hələlik 28 ölkə medal qazana bilib.
Xatırladaq ki, “Pekin-2022” Qış Olimpiya Oyunlarında 91 ölkədən 2800-dən çox idmançı iştirak edir. Onlar idmanın 15 növü üzrə 109 dəst medal uğrunda mübarizə aparırlar.
Olimpiada fevralın 20-də yekunlaşacaq.
Bölmənin digər xəbərləri
