“DokuBaku 2026”: 54 film oktyabrda Bakıda təqdim olunacaq
Bakı, 19 avqust, AZƏRTAC
Bu ilin oktyabr ayında keçiriləcək “DokuBaku” Beynəlxalq Sənədli Film Festivalının rəsmi seçimi açıqlanıb.
AZƏRTAC xəbər verir ki, “Ulduz sivilizasiyası” (Stellar Civilization) mövzusuna həsr olunan festivala 88-dən çox ölkədən 260-dan artıq müraciət daxil olub.
Seçim komitəsinin qərarı ilə proqrama 54 film - 27 tammetrajlı və 27 qısametrajlı sənədli ekran əsəri daxil edilib. Rəsmi seçimdə yeni nəsil yerli kinematoqrafçıların əməyini əks etdirən 5 Azərbaycan sənədli filmi də yer alır.
Yeddi gün davam edəcək festival çərçivəsində filmlərin nümayişi ilə yanaşı, ustad dərsləri, panellər və müzakirələr təşkil olunacaq. Tədbirə 100-dən çox beynəlxalq və yerli kino xadimi qatılacaq.
Layihəyə Azərbaycan Kinematoqrafçılar İttifaqı tərəfindən ənənəvi olaraq maliyyə və informasiya dəstəyi göstərilir.
Bölmənin digər xəbərləri
