REGİONLAR


Samux rayonunun təsərrüfatlarında 5886 ton dən üçün günəbaxan yığılıb

Qazax, 8 fevral, Rauf Hacıyev, AZƏRTAC

Ötən il Samux rayonunda 2865,5 hektar sahədə dən üçün günəbaxan əkilib.

Rayon Statistika İdarəsindən AZƏRTAC-ın bölgə müxbirinə bildirilib ki, əkin sahələrinin 25,5 hektarı dövlət kənd təsərrüfatı müəssisələrinin, 148 hektarı qeyri-kənd təsərrüfatı müəssisələrinin, 2692 hektarı isə əhali təsərrüfatlarının payına düşüb.

Qeyd edilib ki, bu məhsulun satış bazarı olduğuna görə rayonda günəbaxan əkini sahələri ilbəil artır. Əkin sahələrinin becərilməsində aqrotexniki qaydalardan, mineral və üzvi gübrələrdən, pestisidlərdən geniş istifadə edilir.

Həmçinin 2017-ci ildən Şəmkir Maşın Su Kanalının fəaliyyət göstərməsi məhsulun vaxtında suvarılmasına və məhsuldarlığın artırılmasına səbəb olub. 2018-ci ildə təsərrüfatlardan 5886 ton dən üçün günəbaxan yığılıb. Məhsuldarlıq hər hektardan 20,5 sentner olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.