® ABB-dən yaşıl enerji layihələrinə agent bank dəstəyi!
Azərbaycan dövlətinin 2032-ci ilədək 8 giqavatlıq yaşıl enerji hədəfinə uyğun olaraq ABB ölkəmizdə həyata keçirilən yaşıl enerji layihələrində yaxından iştirak edir. Bank hazırda “Masdar”, “ACWA Power” və “Universal Solar” şirkətlərinin Azərbaycanın müxtəlif regionlarında həyata keçirdiyi layihələrə agent bank kimi dəstək verir.
Bu layihələrdən biri “Masdar” şirkətinin Biləsuvar rayonunda həyata keçirdiyi 445 meqavat gücündə Günəş Elektrik Stansiyası layihəsidir. Bu layihə təxminən 190 mindən çox evin elektrik enerjisi ilə təmin olunmasına, illik 393 min tondan çox CO₂ emissiyasının qarşısının alınmasına imkan verəcək.
ABB “Masdar” şirkətinin Neftçala rayonunun Bankə qəsəbəsində yaratdığı 315 meqavat gücündə Günəş Elektrik Stansiyası layihəsinə də dəstək verir. Stansiya 140 mindən çox evi elektrik enerjisi ilə təmin edəcək. İllik 280 min ton CO₂ emissiyasının qarşısını alacaq.
Bank, həmçinin “ACWA Power” şirkəti ilə tərəfdaşlıq əsasında Abşeron-Xızı rayonunda quruda külək enerjisi layihəsinin yaradılmasına dəstək verir. 240 meqavat gücündə layihə sayəsində 300 mindən çox ev yaşıl elektrik enerjisi ilə təmin ediləcək, illik 400 min tondan çox CO₂ emissiyasının qarşısı alınacaq.
ABB-nin dəstəyi ilə uğurla reallaşdırılan daha bir yaşıl enerji layihəsi isə Qaradağ rayonunda 100 meqavat gücündə Günəş enerjisi layihəsidir. Bu layihə təxminən 50 min evin elektrik enerjisi ilə təmin edilməsinə, illik 146 min 500 tondan çox CO₂ emissiyasının qarşısının alınmasına kömək göstərəcək.
Beləliklə, ABB-nin agent bank rolu ilə reallaşdırılan yaşıl enerji layihələrinin ümumi həcmi ölkəmizin 2032-ci ilə qədər qarşıya qoyduğu hədəfin ilkin mühüm hissəsidir.
ABB-nin müasir, faydalı, universal məhsul və xidmətləri barədə ətraflı məlumatı bankın filial və şöbələrindən, rəsmi internet səhifəsi https://abb-bank.az/, 937 nömrəli Məlumat Mərkəzi və rəsmi sosial şəbəkə səhifələrindən əldə etmək mümkündür.
Bölmənin digər xəbərləri
