® “Araz” supermarketlər şəbəkəsinin əməkdaşları Qarabağda ağac əkiblər
44 günlük Vətən müharibəsində Ordumuzun qazandığı tarixi Qələbə xalqımızın və dövlətimizin siyasi-iqtisadi həyatında yeni mərhələnin başlanğıcı oldu. Qarabağın yenidən qurulması, çiçəklənməsi bu gün cəmiyyətimizin qarşısında duran prioritet məsələlərdən biridir. Bu prosesə əlimizdən gəldiyi qədər dəstək olmaq isə hər birimizin vətəndaşlıq borcudur.
Korporativ sosial məsuliyyətini dərk edən və bu sahədə addımlar atan “Araz” supermarketlər şəbəkəsi yenə maraqlı təşəbbüslə yadda qalıb. Bu dəfə Ağdama yola düşən şəbəkənin əməkdaşları ağacəkmə aksiyasında iştirak ediblər. Layihə çərçivəsində Ağdam Sənaye Parkının ərazisində sərv və zeytun ağacları əkilib. Yeni ağac tinglərinə qulluq edən iştirakçılar xatirə lövhəsi də quraşdırıblar. Daha sonra Şəhidlər xiyabanı, Ağdam Cümə məscidi, Şahbulaq Qalası ziyarət edilib. Faydalı keçən səfər maraqlı anlarla yadda qalıb. -0-
Bölmənin digər xəbərləri
