® “Techxəbər” cəmi bir ayda Azərbaycanın media məkanında yeni səhifə açdı
InnMedia (Innovation Media Services MMC) şirkətinin həmtəsisçisi və rəhbəri Kuseba Teymur ilə “Techxəbər”, texnologiya, kosmos, elm, süni zəka (intellekt), startap, robotlar, cihazlar və innovasiya sahəsində rəsmi informasiya-analitik xəbər portalı haqqında müsahibə:
- techxeber.az xəbər portalının fəaliyyətə başlamasından cəmi bir ay keçib. Bu ay sizin üçün necə keçdi?
- Açığı, bu qədər sürətli artım gözləmirdik. Biz daha sakit, mərhələli inkişaf planlaşdırırdıq. Lakin artıq bir ay ərzində 10 mindən çox aktiv oxucu və geridönüş edən unikal istifadəçi auditoriyasına sahib olmaq bizi ölkənin ən sürətlə inkişaf edən rəsmi ixtisaslaşmış media platformalarından birinə çevirib.
Təkcə sayt deyil, sosial şəbəkələrdə yayımladığımız materiallar ümumilikdə 1 milyondan artıq izlənmə toplayıb. Bəzi videolar, podkast formatları izlənmə rekordları qıraraq geniş auditoriyanın diqqətini çəkib.
- Belə sürətli artım texniki problemlər yaratmadımı?
- Yaratdı. Trafikin bu qədər sürətlə artacağını gözləmirdik. Bir anda serverlər yüklənməyə başladı və operativ olaraq hesablama gücünü genişləndirməyə məcbur olduq. Bununla belə, istifadəçilərin portala fasiləsiz girişini təmin etdik və sistem dayanıqlı çalışdı.
- Bu bir ay ərzində ən böyük nailiyyətiniz nə oldu?
- Rəqəmlərdən də önəmlisi odur ki, biz media bazarında real dəyişikliklərə səbəb ola bildik. Biz əvvəldən demişdik ki, Azərbaycanın media mühitini texnoloji cəhətdən yeniləmək istəyirik və bu artıq baş verir.
Ən çox diqqət çəkən yenilik hər xəbərin avtomatik səsləndirilməsi oldu. Əvvəllər bu ideyaya çoxları şübhə ilə yanaşırdı, onu qeyri-mümkün və baha hesab edirdi. Lakin techxeber.az bunu kütləvi şəkildə tətbiq etdi və insanlar artıq xəbərləri təkcə oxumur, həm də dinləyirlər - maşında, metroda, yolda.
Ən maraqlısı odur ki, ölkənin ən böyük media resurslarından biri artıq bizim nümunəmizi izləyərək AI əsaslı xəbər səsləndirmə sistemini tətbiq etməyə başlayıb. Bu, Azərbaycan mediasında yeni mərhələnin başlanğıcıdır.
- Bu, bazara təsir etdiyinizi göstərirmi?
- Bəli. Bu, bizi sevindirir və məsuliyyətimizi artırır. Bizim məqsədimiz rəqabət yox, bütün sahə üçün yeni standart yaratmaqdır. Media bazarının daha innovativ, şəffaf və oxucu yönümlü olmasını istəyirik. Əgər böyük media qurumları, bizə baxıb, bu dəyişiklikləri qəbul edirsə, deməli, doğru yoldayıq.
- Yaxın planlarınız nələrdir?
- İnkişaf dayanmayacaq. Qarşıdakı dövrdə bir neçə yeni ixtisaslaşmış layihə istifadəyə veriləcək. Bir sıra media resurslarının bizim platformaya keçidi ilə bağlı danışıqlar aparılır. Süni intellekt, kontentin fərdiləşdirilməsi, multimedia formatlarının artırılması - bunlar əsas prioritetlərimizdir.
Biz bir ilə planlaşdırdığımız nəticələrin bəzilərini artıq bir aya əldə etdik. Bu isə yalnız başlanğıcdır.
Bölmənin digər xəbərləri
