"AtaSığorta"ya təkrarsığorta fəaliyyətinə verilmiş lisenziyanın qüvvəsi dayandırılıb
Bakı, 20 dekabr, AZƏRTAC
Maliyyə Bazarlarına Nəzarət Palatasının (MBNP) İdarə Heyətinin qərarı ilə "AtaSığorta" Açıq Səhmdar Cəmiyyətinə təkrarsığorta fəaliyyətinə verilmiş lisenziyanın qüvvəsi dayandırılıb.
Palatanın mətbuat xidmətindən AZƏRTAC-a bildiriblər ki, "AtaSığorta"nın məcmu kapitalının tələb olunan kapitalından az olması ilə əlaqədar "Sığorta fəaliyyəti haqqında" Azərbaycan Respublikasının Qanununun (Qanun) 106.1.8-ci maddəsinə və palatanın Nizamnaməsinin 4.10.5-ci yarımbəndinə əsasən, MBNP-nin İdarə Heyətinin 2018-ci il 17 dekabr tarixli qərarı ilə "AtaSığorta" Açıq Səhmdar Cəmiyyətinə təkrarsığorta fəaliyyətinə verilmiş lisenziyanın qüvvəsi 5 ay müddətinə dayandırılıb.
Bölmənin digər xəbərləri
