"Mançester Yunayted”in futbolçusu: Bu mövsüm bəzi oyunlarda qalib gələcəyimizə inanmırdıq
Bakı, 22 may, AZƏRTAC
UEFA Avropa Liqasının finalında “Tottenhem”ə məğlub olan “Mançester Yunayted”in futbolçusu Luk Şou matçla bağlı fikirlərini bölüşüb.
AZƏRTAC xəbər verir ki, 29 yaşlı müdafiəçi azarkeşlərdən üzr istəyib və komandasının zəif çıxışını tənqid edib: “Mövsümü sözlə ifadə etmək çətindir. “Mançester Yunayted” kimi böyük bir klub üçün bu nəticə qəbuledilməzdir. Özümüzə sual verməliyik ki, bu səviyyədə oynamağa layiqikmi? Mövsüm ürəkaçan keçmədi və nəticələr yalnız bizim məsuliyyətimizdə idi”.
Təcrübəli futbolçu inamın futbolda önəmli rol oynadığını vurğulayıb: “Başqa bir şey demək çox çətindir. Komandada dəyişikliklərə ehtiyac var. Məncə, bu daha çox mentalitet məsələsidir. Mövsüm ərzində bəzi oyunlarda qalib gələcəyimizə özümüz belə inanmırdıq”.
Qeyd edək ki, finalda “Tottenhem”ə 0:1 hesabı ilə uduzan “qırmızı şeytanlar” mövsümü titulsuz başa vurublar.
Bölmənin digər xəbərləri
