"Sabah" basketbol komandası Rimas Kurtinaytis ilə vidalaşıb
Bakı, 16 may, AZƏRTAC
“Sabah” basketbol klubu baş məşqçisi Rimas Kurtinaytis ilə əməkdaşlığın qarşılıqlı razılıq əsasında başa çatdığını elan edib.
Bu barədə AZƏRTAC-a Bakı təmsilçisindən məlumat verilib.
Tərəflər qarşıdakı dövrdə məşqçinin kişilərdən ibarət basketbol üzrə Litva milli komandasındakı fəaliyyətinə daha çox diqqət ayırmaq istəyini nəzərə alaraq, əməkdaşlığın başa çatdırılması barədə qarşılıqlı razılığa gəliblər.
Litvalı məşqçinin rəhbərliyi altında "Sabah" ardıcıl üç dəfə ölkə çempionu olub, Azərbaycan basketbolunu beynəlxalq arenada uğurla təmsil edib.
Bölmənin digər xəbərləri
