ABŞ-DA ÖLÜM CƏZASI HAQQINDA 1000-Cİ HÖKM YERİNƏ YETİRİLMİŞDİR
Kennet Boyd ölüm cəzasına arvadını və onun atasını qətlə yetirdiyinə görə məhkum edilmişdir. Boydun bu cinayəti öz uşaqlarının gözü qarşısında etməsi onun vəziyyətini daha da ağırlaşdırmışdır.
Həbsxananın binası qarşısında ölüm cəzası əleyhdarlarının etiraz nümayişi keçirilir. Ölüm cəzasının ləğvi tərəfdarlarının ümumdünya rallisinin iştirakçıları isə ABŞ-ın Romadakı səfirliyi qarşısında etiraz aksiyasına başlamışlar.
Hazırda Birləşmiş Ştatların 50 ştatından 38-də ölüm cəzası tətbiq edilir. 2004-cü ildə ABŞ icra edilmiş ölüm hökmlərinin sayına görə Çin, İran və Vyetnamdan sonra dünyada 4-cü yeri tutmuşdur. İctimai rəy sorğularına görə, ABŞ sakinlərinin böyük əksəriyyəti bu cəza növünün saxlanmasına tərəfdardırlar.
Bölmənin digər xəbərləri
