ABŞ-Gürcüstan hərbi təlimləri təxirə salınıb
Tbilisi, 6 iyul, AZƏRTAC
ABŞ-Gürcüstan hərbi təlimləri qeyri-müəyyən müddətə təxirə salınıb.
AZƏRTAC xəbər verir ki, bu barədə Gürcüstan mətbuatı Pentaqona istinadla məlumat yayıb.
Bildirilir ki, ABŞ ikitərəfli münasibətlərə yenidən baxılması səbəbindən Gürcüstanla birgə keçirilməsi nəzərdə tutulan hərbi təlimləri qeyri-müəyyən müddətə təxirə salıb.
Qeyd olunur ki, Birləşmiş Ştatlar ABŞ-Gürcüstan münasibətlərinin hərtərəfli nəzərdən keçirilməsi təşəbbüsü ilə çıxış edib və bu məqsədlə də "Soylu Tərəfdaş" təlimlərinin qeyri-müəyyən müddətə təxirə salınması barədə qərar qəbul edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
