ABŞ-ın Ticarət naziri koronavirusa görə Çinə səfərini təxirə salıb
Bakı, 29 yanvar, AZƏRTAC
ABŞ-ın Ticarət naziri Uilbur Ross Çinə planlaşdırılmış rəsmi səfərini koronavirusla (2019-nCoV) əlaqədar təxirə salıb. AZƏRTAC TASS informasiya agentliyinə istinadla xəbər verir ki, bu barədə ABŞ Ticarət Nazirliyinin mətbuat xidməti məlumat yayıb.
Uilbur Ross ABŞ və Çin arasında əhatəli ticarət sazişinin bağlanması məsələsi çərçivəsində növbəti addımları müzakirə etmək üçün Pekinə səfər etməli idi.
Xatırladaq ki, ABŞ və Çin arasında ticarət razılaşmasının birinci mərhələsi üzrə sənədlərin imzalanması yanvarın 15-də Vaşinqtonda olub. Sənədi ABŞ Prezidenti Donald Tramp və Çin Dövlət Şurası sədrinin (Baş Nazir) müavini Liu Xı imzalayıb.
Bölmənin digər xəbərləri
