ABŞ İsrail sahillərinə iki min dəniz piyadası göndərəcək
Bakı, 17 oktyabr, AZƏRTAC
ABŞ dəniz piyadalarının çevik reaksiya qüvvələrinin 2 min hərbçisini İsrail sahillərinə göndərəcək.
AZƏRTAC CNN telekanalına istinadla xəbər verir ki, dəniz piyadaları regiondakı ABŞ qüvvələrinə qoşulacaq. Vaşinqton bu yolla Qəzzadakı münaqişənin regional müharibəyə çevrilməsinə imkan verməyəcəyi barədə İrana xəbərdarlıq etmiş olur.
Pentaqon dəniz piyadalarının dislokasiya yeri barədə məlumat verməsə də, onlar Qırmızı dənizdə İsrailin cənub sahilləri yaxınlığına yerləşə bilər.
Qeyd edək ki, Birləşmiş Ştatlar, həmçinin ikinci aviadaşıyıcı gəmisini Aralıq dənizinin şərqinə yerləşdirərək və qırıcılarını regiona göndərərək Yaxın Şərqdə mövcudluğunu gücləndirməyə başlayıb.
Bölmənin digər xəbərləri
