ABŞ KONQRESİNİN NÜMAYƏNDƏLƏR PALATASIFƏLƏSTİNƏ YARDIMA QADAĞA QOYAN QANUN LAYİHƏSİNİ BƏYƏNMİŞDİR
AZƏRTAC-ın İTAR-TASS-dan aldığı xəbərə görə, ABŞ Konqresinin nümayəndələr palatası HƏMAS hərəkatı üzvlərindən formalaşmış Fələstin hökumətini İsraili tanımağa məcbur etmək məqsədi daşıyan qanun layihəsini bəyənmişdir. Konqresmenlər İsraillə əvvəlki razılaşmalar yerinə yetirilməyincə və yarımhərbi birləşmələr tərk-silah edilməyincə Fələstin Muxtariyyətinə maliyyə yardımının dayandırılmasına səs vermişlər. Lakin qanunvericilər qeyri-hökumət təşkilatları vasitəsilə fələstinlilərə yardım göstərilməsini mümkün saymışlar.
Qanun layihəsi muxtariyyətin lideri Mahmud Abbasa maliyyə yardımı göstərilməsini və Fələstin-İsrail münaqişəsinin sülh yolu ilə həlli üçün 20 milyon dollarlıq “Sülh, həmrəylik və demokratiya fondu”nun yaradılmasını nəzərdə tutur.
Bölmənin digər xəbərləri
