ABŞ MƏKTƏBLƏRİNDƏN BİRİNDƏ ATIŞMA NƏTİCƏSİNDƏ 6 NƏFƏR HƏLAK OLMUŞDUR
Qraflığın hüquq mühafizə orqanlarının nümayəndəsi bildirmişdir ki, bir neçə adam yaralanmışdır, onlardan 3-nün vəziyyəti ağırdır. Hadisənin baş verdiyi məktəbdə Amerika menonitlərinin (protestant təriqəti) uşaqları təhsil alırlar.
Ümumiyyətlə, ABŞ məktəbləri ciddi cinayətlərin, o cümlədən insan tələfatı ilə nəticələnən hadisələrin baş verdiyi yer kimi tez-tez xatırlanır. Məsələn, sentyabrın 28-də Kolorado ştatının Beyli şəhərinin məktəblərindən birində 6 nəfər girov götürülmüşdü. Sonra cinayətkar 4 girovu buraxmış, iki qızı isə sinif otağında saxlamışdı. O, əlaqə yaratmağa razı olduğunu bildirmiş, lakin danışıqlar aparmaq üçün göndərilən elçilər məktəbə yaxınlaşarkən içəridə partlayış baş vermişdir. Atışma zamanı cinayətkar öldürülmüşdür. Girov saxlanılan iki qız xəstəxanaya çatdırılsa da, onlardan birinin həyatını xilas etmək mümkün olmamışdır.
Bölmənin digər xəbərləri
