ABŞ Milli Təhlükəsizlik Şurasının 160-a yaxın əməkdaşı işdən uzaqlaşdırılıb
Vaşinqton, 23 yanvar, AZƏRTAC
ABŞ Prezidenti Donald Trampın milli təhlükəsizlik üzrə müşaviri Mayk Uoltz Milli Təhlükəsizlik Şurasının 160-a yaxın əməkdaşını müvəqqəti olaraq işdən uzaqlaşdırıb.
AZƏRTAC-ın “Associated Press”ə istinadla verdiyi məlumata görə, əməkdaşlar yeni administrasiyanın ştat cədvəli nəzərdən keçirilənə və Donald Trampın gündəliyinə uyğunlaşdırılana kimi işləməyəcəklər.
Trampın müşaviri inauqurasiyadan əvvəl Bayden dövründə şurada işləyən əməkdaşların əvvəl işlədikləri yerə qaytarılacaqlarına dair açıqlama vermişdi.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
