ABŞ Prezidenti hərbi kosmik qüvvələrin formalaşdırılması barədə sənəd imzalayıb
Bakı, 20 fevral, AZƏRTAC
ABŞ Prezidenti Donald Tramp Hərbi Hava Qüvvələrinin tərkibində fəaliyyət göstərəcək xüsusi qoşun növünün formalaşdırılması barədə direktiv imzalayıb.
AZƏRTAC Interfax informasiya agentliyinə istinadla xəbər verir ki, bu barədə Ağ ev məlumat yayıb. “Birləşmiş Ştatların kosmik sistemləri tarixən potensial düşmənləri qarşısında texnoloji üstünlüyünü qoruyub. Buna baxmayaraq, hazırda həmin potensial düşmənlər öz kosmik potensialını artırmağa başlayıb”, - Ağ evin yaydığı sənədin mətnində belə deyilir.
Kosmik qüvvələr ABŞ-ın bir sıra kosmik hərbi imkanlarına, o cümlədən qlobal pozisiya sistemini (GPS) təmin edən peyk sistemlərinə, həmçinin raket startlarını izləyən ötürücülərə məsuliyyət daşıyacaq.
ABŞ Prezidenti Donald Tramp Ağ evin Oval kabinetində baş tutan imzalama mərasimində kosmik qüvvələrin formalaşdırılmasının milli təhlükəsizlik sahəsində prioritet olduğunu vurğulayıb.
Bölmənin digər xəbərləri
