ABŞ QAZAXISTAN SİLAHLI QÜVVƏLƏRİ ÜÇÜN MÜASİR HƏRBİ TEXNİKA GÖNDƏRƏCƏK
ABŞ Qazaxıstan Silahlı Qüvvələrini müasir hərbi texnika ilə təchiz edəcəkdir. Qazaxıstan Müdafiə Nazirliyinin mətbuat xidmətindən İTAR-TASS-ın müxbirinə bildirmişlər ki, iyulun 10-da ABŞ-da Qazaxıstan və ABŞ müdafiə nazirliklərinin nümayəndə heyətləri arasındakı danışıqlarda bu barədə müvafiq razılaşma əldə edilmişdir. Texnika EDA və FMF (“Xarici hərbi maliyyələşdirmə”) proqramları üzrə göndəriləcəkdir.
Qazaxıstan hərbi idarəsinin əməkdaşları demişlər: “Danışıqlarda ABŞ-ın maliyyə yardımı ilə Qazaxıstan Respublikası silahlı qüvvələrinin maddi-texniki bazasının möhkəmləndirilməsinin, mobil qüvvələrin inkişafının öncül istiqamət olması təsdiq olunmuşdur”. ABŞ ordusundan ötrü rəhbər heyətin hazırlandığı say-seçmə ali hərbi məktəblərdə 2003-cü ildən etibarən Qazaxıstan üçün hərbi kadrların hazırlanması proqramının genişləndirilməsi barədə də razılaşma əldə edilmişdir.
Bölmənin digər xəbərləri
