ABŞ TƏHLÜKƏSİZLİK ORQANLARI İSLAMI QƏBUL ETMİŞ MÜĞƏNNİDƏN NİYƏ QORXURLAR?

22.09.2004 [13:45]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Amerikanın “Yunayted Eyrlaynz” aviaşirkətinin sentyabrın 21-də Londondan Vaşinqtona uçan təyyarəsi ABŞ paytaxtına gəlmək əvəzinə, Kanada ilə sərhddə yerləşən Men ştatının hava limanına enməli olmuşdur.

Təyyarə bu hava limanına ABŞ təhlükəsizlik orqanlarının tələbi ilə enmişdir, çünki kompüter sistemi sərnişinlərdən birinin arzuolunmaz şəxslər siyahısına salınmış olduğunu “güman etmişdir”.

Həmin şəxs ötən əsrin 60-70-ci illərində daha da Ket Stivens kimi tanınmış kanadalı müğənni Yusuf İslam idi. Stivens müğənnilik fəaliyyətini dayandırdıqdan sonra islamı qəbul etmiş və özünə yeni ad götürmüşdür.

ABŞ hakimiyyət orqanları hazırda fəal sülh mübarizi olan keçmiş müğənniyə ölkəyə gəlməsinin hansı məlumat əsasında qadağan edildiyini açıqlamırlar.