ADNSU tələbələri logistika sahəsində təcrübə proqramına qoşulub
Bakı, 1 noyabr AZƏRTAC
“166 Yükdaşıma və Logistika” şirkəti gənclər üçün ödənişli təcrübə proqramı təşkil edib. Təcrübə proqramına qoşulanlar arasında Azərbaycan Dövlət Neft və Sənaye Universitetinin (ADNSU) 3 tələbə və məzunu da var.
Bu barədə AZƏRTAC-a ADNSU-dan məlumat verilib. Bildirilib ki, iştirakçılar bakalavr və magistr dərəcəsi üzrə təhsil alan gənclər arasından seçilib. Üç ay müddətində təcrübəçilər ödənişli olaraq şirkətin əsas departamentlərində müxtəlif sahələr üzrə praktiki və nəzəri biliklərə yiyələnəcəklər.
Təcrübə müddətində öz peşə bacarıqlarını uğurla nümayiş etdirən namizədlər “166 Yükdaşıma və Logistika” şirkətinin müvafiq departamentlərində əmək funksiyalarının icrasını davam etdirəcəklər.
Bölmənin digər xəbərləri
