ADPU tələbələri “Yüksəliş” qalibləri ilə mentorluq proqramında iştirak edirlər
Bakı, 19 dekabr, AZƏRTAC
“Yüksəliş” müsabiqəsinin qalibləri tərəfindən keçirilən birillik mentorluq proqramına Azərbaycan Dövlət Pedaqoji Universitetinin (ADPU) fəal tələbələri İsmayıl Nəsirov, Təhmasib İmaməliyev, Nərgiz Quluzadə, Cəmilə Qurbanova, Aygül Əliyeva və Günay Tairli cəlb ediliblər.
ADPU-dan AZƏRTAC-a bildirilib ki, proqram çərçivəsində tələbələrin qaliblərlə görüşləri keçirilib, fikir mübadiləsi aparılıb. Proqramın sonunda “Yüksəliş” müsabiqəsinin qalibləri tərəfindən tələbələrə tövsiyə məktubu təqdim ediləcək.
Tələbələr üçün keçirilən mentorluq proqramının əsas məqsədi III və IV kurs tələbələrinin “Yüksəliş” müsabiqəsinin qaliblərinin idarəçilik təcrübəsindən yararlanmasını və karyera ilə bağlı tövsiyələr almasını təmin etməkdir.
Bölmənin digər xəbərləri
