Ağcabədidə baş verən yol qəzasında 4 nəfər xəsarət alıb
Ağcabədi, 1 aprel, AZƏRTAC
Ağcabədidə 4 nəfərin xəsarət alması ilə nəticələnən yol nəqliyyat hadisəsi baş verib.
AZƏRTAC-ın bölgə müxbiri xəbər verir ki, "VAZ- 2107" markalı avtomobil idarəetməni itirərək yol kənarındakı dəmir məhəccərə çırpılıb. Nəticədə avtomobildə olan Ağcabədi rayon Xocavənd kənd sakinləri Mamedov Elyas Feyruz oğlu, Ağayev Rahib Xəlil oğlu, Hüseynov Əlvan Fikrət oğlu və Quliyev Etibar Asif oğlu müxtəlif dərəcəli xəsarət alıb. Yaralılar Təcili Tibbi Yardım avtomobili ilə Ağcabədi Mərkəzi Rayon Xəstəxanasına çatdırılıb.
Faktla bağlı araşdırma aparılır.
Bölmənin digər xəbərləri
