Ağdaşda keçirilən şahmat üzrə rayon birinciliyinin qalibləri mükafatlandırılıb
Ağdaş, 29 noyabr, AZƏRTAC
Ağdaşda rayon Gənclər və İdman İdarəsinin və Uşaq-Gənclər İdman-Şahmat Məktəbinin birgə təşkilatçılığı ilə uşaq, yeniyetmə və gənclər arasında şahmat üzrə rayon birinciliyi keçirilib.
AZƏRTAC-ın bölgə müxbiri xəbər verir ki, açılış mərasimində Gənclər və idman idarəsinin rəisi Azad Gözəlov, uşaq-gənclər idman-şahmat məktəbinin direktoru Vüsal Davudov çıxış edərək ölkəmizdə, eləcə də Ağdaşda idmanın inkişafından, beynəlxalq və ölkə yarışlarında qazanılan diqqətəlayiq nəticələrdən danışıb, şahmatçılara uğurlar arzulayıblar.
Pərviz Babayev adına şəhər tam orta məktəbində təşkil olunan və 4 gün davam edən yarışlarda 45-dən çox şahmatçı mübarizə aparıb. Yarışın sonunda qalib şahmatçılara Gənclər və İdman İdarəsinin diplomları verilib.
Bölmənin digər xəbərləri
