AĞSUDA AQRAR SAHƏDƏ ON BİR AYIN YEKUNLARI UĞURLU NƏTİCƏLƏRDƏN XƏBƏR VERİR

09.12.2006 [14:28]
Çap et
A⁺ A^-

İqtisadiyyatının əsasını bitkiçilik və heyvandarlıq təşkil edən Ağsu rayonunda cari ilin on bir ayının yekunları diqqətəlayiq uğurlarla nəticələnmişdir. Regionların sosial-iqtisadi inkişafı Dövlət Proqramından irəli gələn vəzifələrin uğurla yerinə yetirildiyi rayonda bu ilin on bir ayının yekunları aqrar bölmədə dinamik inkişafdan xəbər verir.

Rayon statistika idarəsindən AZƏRTAC-ın müxbirinə bildirmişlər ki, ilin on bir ayında rayonda 24,9 milyon manatlıq kənd təsərrüfatı məhsulları istehsal olunmuşdur. Bu isə ötən ildəki göstəricidən 1,6 milyon manatlıq çoxdur.

Əsasən taxılçılıq və heyvandarlıqla məşğul olan torpaq mülkiyyətçiləri həm də bostan-tərəvəz məhsulları yetişdirir, mindən çox arı ailəsi bəsləyirlər. Bu il zəmilərdən 74390 ton taxıl götürülüb. Məhsul istehsalı keçən ilkindən 564 ton çox olmuşdur.

Hazırda rayonda 38077 baş qaramal, 142183 baş davar vardır. Qaramalın sayı ötən ildəkindən 174 baş, davarın sayı isə 4230 baş çoxalmışdır. On bir ayda süd istehsalı keçən ilin müvafiq dövründəkinə nisbətən 6455 ton artaraq 22136 tona, ət istehsalı isə 185 ton çoxalaraq 3837 tona çatmışdır.

AĞSUDA AQRAR SAHƏDƏ ON BİR AYIN YEKUNLARI UĞURLU NƏTİCƏLƏRDƏN XƏBƏR VERİR

MÜƏLLİFLƏ ƏLAQƏ

Bölmənin digər xəbərləri