“AirBaltic” aviaşirkətinin itkiləri 184 milyon avroya çatıb
Riqa, 28 avqust, AZƏRTAC
Koronavirus pandemiyası səbəbi ilə cari ilin ilk yarısında Latviyanın “AirBaltic” aviaşirkətinin maliyyə dövriyyəsi 63,6 faiz azalıb.
AZƏRTAC Latviyanın “AirBaltic” şirkətinə istinadla xəbər verir ki, Latviya konserninin itkiləri təxminən 7 dəfə artıb. Şirkətin ilin birinci yarısında gəliri 82,5 milyon avro təşkil edib ki, bu da ötən ilin müvafiq dövrü ilə müqayisədə 62 faiz azdır. Aviaşirkətin daşıdığı sərnişinlərin sayı və həyata keçirilən uçuşlar müvafiq olaraq 64 faiz və 58 faiz azalıb.
“Bu ilə stabil başladıq və sabit inkişafımızı yanvar, fevral aylarında davam etdirdik. Lakin sonrakı aylarda sənayemiz aviasiya tarixində qeydə alınan ən böyük böhran ilə üzləşdi. Nəticədə “AirBaltic” uçuşları 62 gün dayandırmaq məcburiyyətində qaldı və ümumilikdə uçuşlara tələbat kəskin şəkildə azaldı”, - deyə aviaşirkətin baş icraçı direktoru Martin Hauss söyləyib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
