Akademik: Qənirə Paşayeva ictimai dəyəri milli dəyərə çevirməyi bacarırdı
Bakı, 3 noyabr, AZƏRTAC
Qənirə Paşayeva anadan jurnalist doğulmuşdu. Sonra siyasətdə də uğur qazandı. Ünsiyyəti, səmimiyyəti, insansevərliyi onu həmişə digərlərindən fərqləndirirdi. O, çox yaradıcı insan idi və öz dövlətinə sadiq idi. Qənirə xanımı Türk dünyasında çox sevirdilər. O, bu məhəbbəti əməlləri ilə qazanmışdı.
AZƏRTAC xəbər verir ki, bunu Milli Məclisin deputatı, akademik Nizami Cəfərov mərhum deputat Qənirə Paşayevanın Türkiyə Cümhuriyyətinin yaranmasının 100 illiyinə həsr etdiyi “Addım-addım Türkiyə” sənədli filminin təqdimat mərasimində deyib.
Mərhum həmkarı ilə bağlı xatirələrini bölüşən N.Cəfərov insanların ona inandığını, özündən sonra bir iz qoyub getdiyini vurğulayıb. Deputatın sözlərinə görə, ölümündən əvvəl Qənirə Paşayevanın iki kitabının təqdimatında iştirak edib və onun əməksevərliyindən heyrətləndiyini dilə gətirib. Qənirə Paşayevanın yaradıcılıq dairəsinin geniş olduğunu qeyd edən N.Cəfərov bildirib ki, mərhum həmkarı ictimai dəyəri milli dəyərə çevirməyi bacarırdı.
Bölmənin digər xəbərləri
