ALİMLƏR MAMONTU KLONLAŞDIRMAQ NİYYƏTİNDƏDİRLƏR
AZƏRTAC Bi-Bi-Si teleşirkətinə istinadla xəbər verir ki, Rusiya və Yaponiya alimləri mamontun Yakutiyada tapılmış genetik materialından istifadə etməklə, bu heyvanı klonlaşdırmaq niyyətindədirlər. Tədqiqatçıların mamont hesab etdikləri heyvanın toxumalarının nümunələri hazırda Yaponiyanın Kinki Universitetinin elm və texnologiyalar mərkəzindədir. Mərkəzin prezidenti Akira İritani bildirmişdir ki, heyvanın duru azotla dondurulmuş iliyi, dərisi və əzələ nümunələri çox yaxşı qalmışdırıb. Lakin əvvəlcə əmin olmalıyıq ki, bu cəmdək fraqmentləri mamonta məxsusdur. Iritaninin sözlərinə görə, bu heyvan qalıqlarının təxminən 200-300 min il yaşı olduğundan, onların DNT-si, güman ki, zədələnmişdir, ona görə də klonlaşdırma üçün kifayət etməyə bilər.
Alimlər kökü kəslimiş bəzi heyvanları məsələn, mamontları və qədim kərgədanları klonlaşdıraraq Sibirdə safari-park yaratmaq niyyətindədirlər.
Bölmənin digər xəbərləri
