ALMAN MÜTƏXƏSSİSLƏR SUMQAYITDA TƏCRÜBİ LAYİHƏ HƏYATA KEÇİRƏCƏKLƏR
Layihə Almaniyanın İqtisadi İnkişaf və Əməkdaşlıq Nazirliyi tərəfindən maliyyələşdirilən “Almaniya və Qafqazın tərəfdaş şəhərlərinin əməkdaşlığı” proqramı çərçivəsində həyata keçirilir. Görüşdə bildirilmişdir ki, tərəfdaş şəhərlər olan Sumqayıt və Lüdviqshafen arasında əlaqələr son zamanlar xeyli möhkəmlənmişdir. Almaniya Texniki Əməkdaşlıq Cəmiyyətinin Bakı ofisi 2001-ci ilin martından Sumqayıtda bir sıra kiçik həcmli layihələr gerçəkləşdirmişdir. Bununla əlaqədar, alman mütəxəssislərdən ibarət ekspert qrupu dəfələrlə şəhərdə olmuşdur.
Qonaqların budəfəki gəlişi mühüm layihənin həyata keçirilməsi ilə bağlıdır. Alman mütəxəssislər üç ay ərzində şəhərin 1-ci məhəlləsində və 13-cü mikrorayonunda təcrübi layihənin gerçəkləşdirilməsi üçün hazırlıq işləri aparacaqlar.
