ALMANİYA-AZƏRBAYCAN FONDU KREDİTLƏŞDİRMƏNİN ŞƏRTLƏRİNİ DƏYİŞMƏYİ PLANLAŞDIRMIR
Fonddan AZƏRTAC-ın müxbirinə bildirmişlər ki, hazırda ticarətə bir il müddətinə qoyulan kreditlərin minimum faiz dərəcəsi 20 faiz, istehsal və xidmət sahələri üçün 18 faiz, sərmayələr üçün 15 faizdir. Faizlər kredit qalıqlarının üstünə gəlir. Özü də borcalan əsas borcu ödəyərkən əsas məbləğin ödənilməsində 4 güzəştli aya, biznesdə mövsümi durğunluq dövründə isə daha 3 aya ümid bəsləyə bilər.
Bir borcalan üçün kreditin maksimum məbləği 50 min avro səviyyəsindədir. Lakin “Bank of Baku”nun və “UNİbank”ın Fondla artıq iki ildir əməkdaşlıq etməsi ilə əlaqədar onların müştəriləri üçün bu limit 100 min avroyadək artırılmışdır. Bu proqrama ötən il qoşulan “Parabank” və “Respublika” bankı üçün oxşar şərtlər 2004-cü ildə tətbiq ediləcəkdir.
Bölmənin digər xəbərləri
