Almaniya Kansleri ölkədə hərbi xidmətə çağırışın bərpasına lüzum görmür
Bakı, 24 fevral, AZƏRTAC
Almaniyada hərbi xidmətə müntəzəm çağırışa lüzum yoxdur.
AZƏRTAC xəbər verir ki, bu barədə AFR Kansleri Olaf Şolts “Bild” qəzetinə müsahibəsində deyib.
“Hərbi mükəlləfiyyət 12 il öncə ləğv edilib və Bundesver (Almaniya Silahlı Qüvvələri-red.) peşəkar ordu sisteminə keçib. Bu səbəbdən hərbi mükəlləfiyyətə qayıtmağın mənası yoxdur”, - deyə Kansler bildirib.
Əvvəllər almaniyalı gənclər ordu ilə alternativ xidmət arasında seçim edə bilirdi. Olaf Şolts özü də 1984-cü ildə qocalar evində alternativ xidmət keçib.
Almaniyada ümumi hərbi mükəlləfiyyət 2011-ci il iyulun 1-də ləğv edilib. Üstündən 12 il keçdikdən sonra Bundesverin rəhbəri Boris Pistorius bunu səhv qərar adlandırıb. Hazırda ölkədə hərbi xidmətə çağırışın bərpası ilə bağlı ciddi müzakirə və ya siyasi təşəbbüs müşahidə olunmur.
Bölmənin digər xəbərləri
