ALMATIDA BİRİNCİ AVRASİYA MƏTBUAT FORUMU KEÇİRİLƏCƏK
Aprelin 25-27-də Almatıda keçiriləcək birinci Avrasiya mətbuat forumunun başlıca mövzuları Avrasiya regionunda coğrafi siyasət və kütləvi informasiya vasitələrinin ona təsiri, informasiya məkanının vəziyyəti, Şərqlə Qərb arasında dialoq yaradılması məsələləri olacaqdır.
Forum Beynəlxalq Jurnalist Birlikləri Konfederasiyasının, “Mir” Dövlətlərarası Teleradio Şirkətinin, Kembric Universiteti Menecment İnstitutunun “Avrasiya” Mərkəzinin, İTAR-TASS və Assoşieyted Press agentliklərinin dəstəyi ilə keçiriləcəkdir. Təşkilat Komitəsinin məlumatına görə, forumda 63 ölkənin aparıcı qəzetlərinin, telekanallarının, radiostansiyalarının, informasiya agentliklərinin 200-dək jurnalisti və rəhbəri, habelə beynəlxalq təşkilatların nümayəndələri iştirak edəcəklər. Forumun işini işıqlandırmaq üçün monitorlar və 25 kompüter qoyulmuş mətbuat mərkəzi yaradılmışdır.
İTAR-TASS-ın verdiyi xəbərə görə, konfransı Qazaxıstan Prezidenti Nursultan Nazarbayev açacaqdır. Sonra forum işini tematik bölmələrdə davam etdirəcəkdir.
Bölmənin digər xəbərləri
