“ALTERNATİV HƏRBİ XİDMƏT HAQQINDA” QANUN LAYİHƏSİ AVROPA ŞURASININ EKSPERTLƏRİNƏ GÖNDƏRİLMİŞDİR
Avropa Şurası Parlament Assambleyasında Azərbaycan nümayəndə heyətinin rəhbəri, Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov AZƏRTAC-a bildirmişdir ki, ölkəmizin Avropa Şurası qarşısında götürdüyü öhdəliklərin yerinə yetirilməsi ilə bağlı heç bir problem yoxdur və onların 90 faizdən çoxu artıq yerinə yetirilmişdir. Yalnız bəzi öhdəliklər qalmışdır ki, onların da tam icrası üçün uzun vaxt tələb olunur. Bu gün Azərbaycanın yerinə yetirmədiyi çox az öhdəlik vardır ki, bunlardan da biri “Alternativ hərbi xidmət haqqında” qanunun qəbul olunmasıdır. Baxmayaraq ki, Azərbaycan müharibə şəraitində yaşayır, belə bir qanun layihəsi artıq hazırlanaraq Avropa Şurasının ekspertlərinə göndərilmişdir. Avropalı ekspertlərin də rəy və təklifləri alındıqdan sonra sənədə bir də baxılacaq və Milli Məclisə tövsiyə olunacaqdır.
Bölmənin digər xəbərləri
