Altı ayda muxtar respublikada sahibkarlara 18 milyon 253 min manat kredit verilib
Naxçıvan, 6 avqust, AZƏRTAC
2021-ci ilin birinci yarım ilində muxtar respublikada sahibkarlara 18 milyon 253 min manat kredit verilib.
Naxçıvan Muxtar Respublikası Dövlət Statistika Komitəsinin mətbuat xidmətindən AZƏRTAC-ın Naxçıvan bürosuna bildirilib ki, verilmiş kreditin 7 milyon 690 min manatı yeni istehsal sahələrinin yaradılmasına və ya genişləndirilməsinə, 10 milyon 563 min manatı isə fərdi sahibkarlığın inkişafına sərf olunub. Bu dövrdə 28 hüquqi və 1342 fiziki şəxs qeydiyyata alınıb.
Yanvar-iyun aylarında muxtar respublikada dövlət dəstəyi ilə iqtisadi fəaliyyətin müxtəlif sahələrində 55 layihə üzrə istehsal və xidmət obyektləri yaradılıb, 54 layihə üzrə istehsal və xidmət obyektlərinin yaradılması isə davam etdirilib.
Bölmənin digər xəbərləri
