Amerika alimləri: Uşağa hansı yeməyin faydalı olduğunu başa salmaq lazımdır
Bakı, 3 iyun, AZƏRTAC
AZƏRTAC “Zee News” saytına istinadən xəbər verir ki, Kornel Universitetinin (ABŞ) alimləri 43 beynəlxalq tədqiqatı təhlil edərək belə qənaətə gəliblər: Uşağa zərərli ərzaqlar yeməyi qadağan etmək yox, hansı yeməyin faydalı olduğunu və onun faydasını başa salmaq lazımdır.
Məsələn, tədqiqatçıların sözlərinə görə, uşağı həddindən artıq kalorili peçenyedən imtina etməyə məcbur etmək lazım deyil, daha yaxşı olar ki, uşaqdan alma yeməsi xahiş olunsun və bildirilsin ki, bu, sağlamlıq üçün çox faydalıdır.
Alimlər əmindirlər: diqqətin mənfi cəhətlərə deyil, müsbət cəhətlərə yönəldilməsi uşaqları sağlam qidalanmaya alışdıra bilər.
Qeyd edək ki, Sinsinnati uşaq hospitalinin Tibb Mərkəzinin mütəxəssisləri bu məqsədlə bağça yaşından altıncı sinfədək uşaqlar üçün nəzərdə tutulmuş proqram işləyib hazırlayıblar. Məktəb yeməkxanasından faydalı yeməklər alanlara kiçik mükafatlar verilib. Alimlərin metodu çox səmərəli olub.
Bölmənin digər xəbərləri
