AMERİKA ALİMLƏRİNİN KƏŞFİ
Bir qrup ABŞ alimi insan ömrünü təxminən yarıbayarı uzada biləcək kəşf etmişlər. Eyni zamanda, onlar insanın alnına yazılmış ömrün uzunluğunu müəyyənləşdirməyə imkan verən metodika da yaratmışlar.
İTAR-TASS-ın verdiyi xəbərə görə, alimlər aşkara çıxarmışlar ki, insanın ömrünün uzunluğunu müəyyənləşdirən genetik xüsusiyyətlər üç əsas parametr - qanın tərkibindəki insulinin və Di-eyç-i-ey-es kimi məlum olan kimyəvi elementin, habelə bədənin orta temperaturunun səviyyəsi üzrə təyin edilə bilər.
Bu tədqiqatlar haqqında hesabatlar “Sayəns” elmi jurnalında dərc edilmişdir.
Bədənin daha aşağı olan insan, eləcə də qanının tərkibində insulin az və Di-eyç-i-ey-es isə çox olan insan daha uzun ömür sürür. Hazırda alimlər bioloji uzunömürlülüyün mexanizmini izah edə bilməsələr də, təcrübələr göstərir ki, bu, orqanizmdə metabolizmin daha aşağı səviyyəsi ilə bağlı ola bilər.
Bu kəşf əsasında yeni dərmanların, habelə “uzunömürlülük pəhrizi”nin yaradılacağı gözlənilir.
Bölmənin digər xəbərləri
