Andjey Duda Polşa Prezidenti vəzifəsinə növbəti seçkilərdə namizəd olacağını bildirib
Varşava, 8 fevral, AZƏRTAC
Polşa Prezidenti Andjey Duda ölkədə keçiriləcək növbəti prezident seçkilərində namizədliyini irəli sürüb. O, fevralın 15-dən seçki kampaniyasına başlayacağını açıqlayıb.
AZƏRTAC xəbər verir ki, həmin gün təmsil etdiyi Hüquq və Ədalət Partiyasının illik hesabat konfransında çıxış edəcək Andjey Duda hazırkı prezidentlik müddətinin yekunları, namizədlik platforması barədə məlumat verəcək.
Qanunvericiliyə görə, partiyanın qurultayından əvvəl siyasi şurası Andjey Dudanın namizədliyini rəsmən dəstəkləməlidir. Bir neçə gündən sonra isə ölkə daxilində təşviqat gəzintiləri və seçicilərlə görüşlər başlayacaq.
Polşada növbəti prezident seçkiləri bu il mayın 10-da keçiriləcək.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
