Ankarada 44 günlük Vətən müharibəsi qəhrəmanlarının xatirəsi anılacaq
Ankara, 27 sentyabr, AZƏRTAC
Bu gün Ankaranın Oran rayonunda yerləşən “Şuşa” Konqres Mərkəzində Azərbaycanın 27 Sentyabr - Anıma Gününə həsr olunmuş genişmiqyaslı tədbir keçiriləcək.
AZƏRTAC xəbər verir ki, tədbirin təşəbbüskarı Azərbaycanın Türkiyədəki səfirliyidir.
Proqrama təşkilati dəstəyi Türkiyə-Azərbaycan Dostluq, Əməkdaşlıq və Həmrəylik Fondu göstərib.
Tədbir iştirakçıları ölkəmizin bütövlüyü və birliyi uğrunda canlarından keçmiş Azərbaycan övladlarının əziz xatirəsini ehtiramla yad edəcəklər.
Tədbirdə iki ölkənin diplomatlarının, ictimaiyyət nümayəndələrinin, şəhid ailələrinin iştirakı planlaşdırılır.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
